બાવળા-અમદાવાદ હાઈવે પર આજે એક મોટી દુર્ઘટના ઘટતા રહી ગઈ છે. હાઈવે પર પસાર થઈ રહેલી એક ST બસ અચાનક ડિવાઈડર પર ચડી જતા અકસ્માત સર્જાયો હતો. જોકે, સદનસીબે આ ઘટનામાં કોઈ જાનહાનિ થઈ નથી અને બસમાં સવાર તમામ 20 મુસાફરો સુરક્ષિત રીતે બચી ગયા છે.
ST બસ ડિવાઈડર પર ચડી જતા અકસ્માત
મળતી માહિતી મુજબ, બાવળા-અમદાવાદ હાઈવે પરથી પસાર થઈ રહેલી ST બસ સામે અચાનક એક બાઈક ચાલક આવી ગયો હતો. આ બાઈક સવારને બચાવવા માટે બસના ડ્રાઈવરે સ્ટેયરિંગ પરથી કાબૂ ગુમાવ્યો હતો અથવા બસને ફેરવી લેતા બસ સીધી ડિવાઈડર પર ચડી ગઈ હતી. આ અકસ્માતમાં બસના આગળના ભાગના કાચ તૂટી ગયા હતા અને બસને નુકસાન પહોંચ્યું હતું.