શહેરના સૌથી સુરક્ષિત અને પ્રતિબંધિત વિસ્તારોમાં જેની ગણના થાય છે તેવા શાહીબાગ આર્મી કેમ્પમાં ચોરીની એક ચોંકાવનારી ઘટના બની છે. આર્મી કેમ્પની અંદરથી ટેલિફોન લાઇનનો અંદાજે 65 મીટર લાંબો કેબલ ચોરાઈ જવાની ઘટનાને પગલે પોલીસ દોડતી થઈ ગઈ છે.
શાહીબાગ આર્મી કેમ્પમાં ચોરી
મળતી માહિતી મુજબ, શાહીબાગ આર્મી કેમ્પમાં આવેલી ટેલિફોન લાઇનમાંથી અજાણ્યા તસ્કરોએ આશરે 65 મીટર લાંબો કેબલ કાપીને તેની ચોરી કરી છે. આ ચોરાયેલા કેબલની બજાર કિંમત અંદાજે ₹5,500 જેટલી આંકવામાં આવી છે. જોકે, કિંમત ઓછી હોવા છતાં આર્મી કેમ્પ જેવા સંવેદનશીલ વિસ્તારમાં ચોરી થવી એ ગંભીર બાબત માનવામાં આવે છે.
