અમદાવાદ મ્યુનિસિપલ કોર્પોરેશન (AMC) દ્વારા આગામી 8 માર્ચના રોજ આયોજિત કરવામાં આવેલા એક ભવ્ય કાર્યક્રમમાં કેન્દ્રીય ગૃહમંત્રી અમિત શાહની ઉપસ્થિતિ રહેવાની હતી, જે હવે રદ કરવામાં આવી છે. મ્યુનિસિપલ કોર્પોરેશનની વર્તમાન ટર્મ પૂરી થવાના છેલ્લા દિવસોમાં આ લોકાર્પણ કાર્યક્રમ ખૂબ જ મહત્વનો માનવામાં આવતો હતો, પરંતુ હવે તે મોકૂફ રાખવામાં આવ્યો છે.
કેન્દ્રીય ગૃહમંત્રી અમિત શાહનો 8 માર્ચનો કાર્યક્રમ મોકૂફ
કેન્દ્રીય ગૃહમંત્રી અમિત શાહના હસ્તે અમદાવાદના પૂર્વ વિસ્તારમાં મહત્વના વિકાસકામોનું લોકાર્પણ થવાનું હતું, જેમાં મુખ્યત્વેવસ્ત્રાલમાં અત્યાધુનિક સુવિધાઓ ધરાવતા આ સ્પોર્ટ્સ કોમ્પલેક્ષનું લોકાર્પણ થવાનું હતું. ખારીકટ કેનાલના સુંદરકરણ અને અન્ય વિકાસકામોનું લોકાર્પણ પણ તેમની ઉપસ્થિતિમાં નિર્ધારિત હતું.
