ગુજરાતમાં ભર ઉનાળે માવઠાની આગાહી કરવામાં આવી છે. અમદાવાદ અને રાજકોટમાં તાપમાનનો પારો નીચે ઉતરતાં ગરમીથી લોકોને આંશિક રાહત મળી છે. હવામાન વિભાગ દ્વારા રાજ્યમાં 18 અને 19 માર્ચે કમોસમી વરસાદની આગાહી કરવામાં આવી છે. વેસ્ટર્ન ડિસ્ટર્બન્સને કારણે વાતાવરણમાં પલટો આવવાની શક્યતાઓ છે. રાજ્યમાં મહત્તમ તાપમાનમાં પણ ઘટાડો નોંધાઈ શકે છે.
મહત્તમ તાપમાન 35થી 37 ડિગ્રી રહેશે
હવામાન વિભાગ દ્વારા રાજ્યમાં 18 અને 19 માર્ચે કમોસમી વરસાદની આગાહી કરવામાં આવી છે. વેસ્ટર્ન ડિસ્ટર્બન્સથી વાતાવરણમાં પલટો આવવાની શક્યતાઓ છે. કચ્છ, દ્વારકા, મોરબી, જામનગર, રાજકોટ, ભાવનગર, અમરેલી, બનાસકાંઠા, પાટણ, સાબરકાંઠા, ગીરસોમનાથ, ભરૂચ, વડોદરા, નર્મદા, સુરત, તાપી સહિતના વિસ્તારોમાં કમોસમી વરસાદ થવાની આગાહી કરવામાં આવી છે. મહત્તમ તાપમાન 35થી 37 ડિગ્રી રહેશે.
