ગુજરાતમાં વેસ્ટન ડિસ્ટર્બન્સથી બેવડી ઋતુની પણ અસર જોવા મળી છે, રાજ્યમાં ઉત્તર પૂર્વીય પવનો ફૂંકાતા હજી ઠંડી વધશે તેવું અનુમાન હવામાન વિભાગનું છે. અમરેલી અને વડોદરામાં 12 ડિગ્રી તાપમાન નોંધાયું છે.


ગુજરાતના આ જિલ્લામાં આટલું તાપમાન નોંધાયું

અમદાવાદમાં 15.5, ડીસામાં 14.8 ડિગ્રી, ગાંધીનગરમાં 15.1, ભુજમાં 14.9 ડિગ્રી, નલિયામાં 14.6,કંડલામાં 16.4 ડિગ્રી, દિવમાં 13.4, સુરેન્દ્રનગરમાં 16.2 ડિગ્રી, કેશોદમાં 13.4, મહુવામાં 14.9 ડિગ્રી તાપમાન નોંધાયું છે.

હિમલહેર વચ્ચે વાતાવરણમાં ફેરફાર

મધ્ય ગુજરાતની વાત કરીએ તો, અમદાવાદ અને ગાંધીનગરમાં પણ ઠંડીનો ચમકારો યથાવત છે. હવામાન વિભાગના મતે આગામી દિવસોમાં આ બંને શહેરોમાં લઘુતમ તાપમાન 15 થી 16 ડિગ્રી આસપાસ રહેવાની સંભાવના છે. તાપમાનમાં આ વધારાને કારણે વહેલી સવારે અને મોડી રાત્રે અનુભવાતી કડકડતી ઠંડીમાં આંશિક ઘટાડો થશે. નોંધનીય છે કે ડિસેમ્બરના મધ્યમાં સામાન્ય રીતે કડકડતી ઠંડી પડતી હોય છે, પરંતુ વાતાવરણમાં સર્જાયેલી આ સિસ્ટમને કારણે લોકોને થોડા દિવસો માટે ઠંડીથી રાહત મળી શકે તેમ છે. આ ફેરફાર બાદ ફરીથી ઠંડીનો નવો રાઉન્ડ આવશે કે કેમ તેના પર હવામાન નિષ્ણાંતોની નજર છે.

Also Read

ઉત્તર ભારત માટે તીવ્ર ઠંડીની IMDની ચેતવણી

ઘણા રાજ્યોમાં તાપમાન 10 ડિગ્રીથી નીચે પહોંચ્યું છે અને રાજસ્થાન, મધ્યપ્રદેશ, પંજાબમાં ઠંડીની ચેતવણી આપવામાં આવી છે, હરિયાણા, ઉત્તરપ્રદેશમાં તીવ્ર ઠંડીની ચેતવણી આપવામાં આવી છે, રાજસ્થાનમાં સૌથી વધુ ઠંડીનો અનુભવ લોકોને થઈ રહ્યો છે, 12 જિલ્લાઓમાં તાપમાન 10 ડિગ્રીથી નીચું નોંધાયું છે અને રાજસ્થાનના સીકરમાં સૌથી ઓછું તાપમાન 7 ડિગ્રી નોંધાયું છે, મધ્યપ્રદેશના ભોપાલ, રાજગઢ, ઇન્દોરમાં ઠંડીની શરૂઆત થઈ છે, મધ્યપ્રદેશના રાજગઢમાં 7 ડિગ્રી તાપમાન નોંધાયું છે, છત્તીસગઢના સુરગુજા ક્ષેત્રમાં પણ ઠંડીનું એલર્ટ આપવામાં આવ્યું છે અને પેંડરામાં તાપમાન 9 ડિગ્રી સુધી પહોંચી ગયું છે.


આ પણ વાંચો : Gujarat Latest News Live : ગુજરાતમાં ઠંડીનું પ્રમાણ વધ્યું, પવનની દિશા બદલાતા ઠંડીમાં થયો વધારો


  • Follow us on: