રાજ્યમાં હાલમાં બેવડી ઋતુનો પણ અહેસાસ થઈ રહ્યો છે. હાલમાં ઉત્તર પૂર્વના પવનો ફૂંકાઈ રહ્યાં છે. આ ઉપરાંત વેસ્ટર્ન ડિસ્ટર્બન્સની અસરના કારણે ઠંડીમાં ઘટાડો થાય તેવી શક્યતાઓ સેવાઈ રહી છે. બેવડી ઋતુની અસર વચ્ચે હવામાન વિભાગે આગામી સાત દિવસ વાતાવરણ સૂકુ રહેશે તેવું અનુમાન કર્યું છે. પવનોની દિશા બદલાતા તેમજ વેસ્ટર્ન ડિસ્ટર્બન્સની અસરને કારણે હાલ બેવડી ઋતુનો અહેસાસ થશે.
હાલ મહત્તમ તાપમાન 32થી 34 ડિગ્રી સુધી નોંધાશે
હવામાન વિભાગના ડાયરેક્ટર એ કે દાસે કહ્યું હતું કે, હાલમાં પવનોની દિશા બદલાતા અને વેસ્ટર્ન ડિસ્ટર્બન્સની અસરને કારણે રાજ્યમાં બેવડી ઋતુનો અનુભવ થશે. આગામી 19થી 21 ડિસેમ્બર દરમિયાન મહત્તમ તાપમાનમાં બેથી ત્રણ ડિગ્રીનો વધારો થશે. જ્યારે 22 ડિસેમ્બરથી રાજ્યમાં ઠંડીનું જોર વધશે. જો કે રાજ્યમાં વેસ્ટર્ન ડિસ્ટર્બન્સ પસાર થઈ જતાં ફરી ઠંડીનો અહેસાસ થશે. રાજ્યમાં હાલ મહત્તમ તાપમાન 32થી 34 ડિગ્રી સુધી નોંધાશે. જ્યારે લઘુતમ તાપમાન 14થી 17 ડિગ્રી સુધી રહેશે.
