શહેરની ઝોન-2 LCB (લોકલ ક્રાઈમ બ્રાન્ચ) ની ટીમે પ્રશંસનીય કામગીરી કરતા એક વર્ષથી ફરાર એવા રીઢા ગુનેગારને ઝડપી પાડ્યો છે. પ્રોહિબિશન અને અન્ય ગંભીર ગુનાઓમાં સંડોવાયેલો આરોપી જાકીર શેખ પોલીસથી બચવા માટે સતત સ્થળ બદલી રહ્યો હતો, પરંતુ LCBની સતર્કતા સામે તેની ચાલાકી કામ ન આવી.
બાતમીના આધારે સફળ ઓપરેશન
ઝોન-2 LCBની ટીમને ચોક્કસ ખાનગી બાતમી મળી હતી કે, વિવિધ ગુનાઓમાં વોન્ટેડ આરોપી જાકીર શેખ ચોક્કસ વિસ્તારમાં આવ્યો છે. આ બાતમીના આધારે પોલીસે વોચ ગોઠવી તેને દબોચી લીધો હતો. આરોપીની પ્રાથમિક પૂછપરછમાં જાણવા મળ્યું છે કે તે રાણીપ અને સાંતેજ પોલીસ મથકના અંદાજે ૪ જેટલા ગુનાઓમાં લાંબા સમયથી વોન્ટેડ હતો.