સાપુતારા ખાતે આવેલ ટેબલ પોઇન્ટ પર આજે એક ગંભીર અકસ્માત સર્જાયો હતો. ટેબલ પોઇન્ટથી નીચે ઉતરતી વખતે અચાનક ટેમ્પો ટ્રાવેલરની બ્રેક ફેઇલ થતાં તે બેકાબૂ થઈ ગયો હતો અને રોપવે કેબિન સાથે અથડાયો હતો. જો કે ટેમ્પો ટ્રાવેલર ત્યાં જ અટકી જતાં ખીણ તરફ વધતો અટકી ગયો હતો જેના કારણે મોટી જાનહાનિ ટળી ગઈ હતી
ટેમ્પો ટ્રાવેલરની બ્રેક ફેઇલ થઈ ગઇ
પ્રારંભિક જાણકારી પ્રમાણે, સાપુતારા ફરવા આવેલા મહારાષ્ટ્રના ધુલિયા જિલ્લામાંથી આશરે 18 પ્રવાસીઓ ટેમ્પો ટ્રાવેલરમાં સવાર હતા. ટેબલ પોઇન્ટથી નીચે ઉતરતા સમયે ટેમ્પો ટ્રાવેલરની બ્રેક ફેઇલ થઈ ગઇ અને તે બેકાબૂ બની ગયો. તે એનું નિયંત્રણ ગુમાવીને રોપવે કેબિન સાથે અથડાયો હતો.ઘટનામાં તમામ 18 મુસાફરોને નાની-મોટી ઇજાઓ પહોંચી હતી.
