ડાંગ જિલ્લાના આહવા વિસ્તારમાં મલ્ટી-માર્કેટિંગ કંપનીના નામે રોકાણકારો સાથે લાખોની છેતરપિંડી આચરનાર એક એજન્ટને લોકલ ક્રાઈમ બ્રાન્ચ (LCB) એ ઝડપી પાડવામાં સફળતા મેળવી છે. આરોપીએ લોકોને અતિશય વળતરની લાલચ આપીને લાંબા સમયથી પોલીસને થાપ આપી રહ્યો હતો.
આહવામાં રોકાણકારો સાથે લાખોની છેતરપિંડી
આરોપી સંજય ધીરુભાઈ રાઠોડ (ઉંમર 42, રહે. વલસાડ) એ પોતાની મલ્ટી-માર્કેટિંગ કંપનીના નામે લોકો પાસેથી રોકાણ મેળવવાનું શરૂ કર્યું હતું. તેણે રોકાણકારોને લાલચ આપી હતી કે, જો તેઓ પૈસા રોકશે તો માત્ર 6 મહિનામાં મૂળ રકમ અને 7 મહિનામાં રકમ 'ડબલ' કરી આપવામાં આવશે. આ રીતે લોકો પાસેથી કુલ ₹18.40 લાખનું રોકાણ કરાવ્યું હતું. વિશ્વાસ જમાવવા માટે શરૂઆતમાં આરોપીએ ₹3 લાખ પરત કર્યા હતા, પરંતુ ત્યારબાદ બાકીના ₹15.40 લાખ લઈને તે રફુચક્કર થઈ ગયો હતો.