દાહોદ જિલ્લાના રળીયાતી વિસ્તારમાં એક હૃદયદ્રાવક બાઇક અકસ્માતની ઘટના સામે આવી છે. પૂરપાટ ઝડપે જતી બાઇક રસ્તાની બાજુમાં આવેલા સાઇન બોર્ડના થાંભલા સાથે ધડાકાભેર અથડાતાં બાઇક પર સવાર બે યુવકોના ઘટનાસ્થળે જ કમકમાટીભર્યા મોત નીપજ્યા છે.
દાહોદમાં ગમખ્વાર બાઇક અકસ્માત
પ્રાથમિક માહિતી મુજબ, બાઇક સવાર યુવકો દાહોદ તરફથી પસાર થઈ રહ્યા હતા ત્યારે રળીયાતી નજીક બાઇક ચાલકે સ્ટેયરિંગ પરનો કાબૂ ગુમાવ્યો હતો. પૂરપાટ ઝડપે આવી રહેલું બાઇક રોડની સાઈડમાં આવેલા સાઇન બોર્ડના લોખંડી થાંભલા સાથે અથડાયું હતું. ટક્કર એટલી જોરદાર હતી કે ઘટના સ્થળ પર જ બંને યુવકોના પ્રાણ પંખેરું ઉડી ગયા હતા.