અમરેલીના ખાંભા તાલુકાના ઇંગોરાળા ગામમાંથી અલગ અલગ 2 રહેણાંક મકાનમાંથી બનાવટી દૂધનો જથો ઝડપાયો છે, ખાંભા પોલીસ અને ફૂડ સેફટી ઓફીસર સાથે રહેણાંક મકાનમાં મોડી રાત્રે રેડ પાડવામાં આવી હતી અને બાતમીના આધારે કાર્યવાહી કરવામાં આવતી હતી, મહત્વની વાત તો એ છે કે, આ નકલી દૂધ બજારમાં વેચવામાં આવતું હતુ.
અમરેલીમાં નકલી દૂધ ઝડપાયું
શંકાસ્પદ બનાવટી દૂધ 220 લિટર,દૂધ બનાવવાનો પાઉડર 214 કિલો, દૂધ બનાવવા માટેનું વનસ્પતિ તેલ 43.4 કિલો મળી આવ્યું છે, ફૂડ વિભાગ દ્વારા તમામ વસ્તુઓના નમૂના FSLમાં મોકલાયા છે અને રીપોર્ટની રાહ જોવાઈ રહી છે, તો પોલીસે આ મામલે જાણવાજોગ નોંધી છે. રીપોર્ટના આધારે પોલીસ ગુનો નોંધશે, આ કાળાકારોબારમાં કેટલા લોકો ઝડપાયા છે તેની માહિતી સામે આવી છે, મકાન બંધ હતુ તેવી માહિતી સૂત્રો પાસેથી મળી રહી છે.