આણંદ શહેરમાં હોળીના તહેવારની ઉજવણી દરમિયાન એક મોટી દુર્ઘટના સર્જાઈ છે. શહેરના એક ગેરેજ નજીક હોળી પ્રગટાવવામાં આવી રહી હતી, જે દરમિયાન અચાનક આગ ભભૂકી ઉઠતા ગેરેજમાં પાર્ક કરેલી ત્રણ કાર અને આખું ગેરેજ બળીને ખાખ થઈ ગયું છે.
ગેરેજમાં આગ ભભૂકી
પ્રાપ્ત માહિતી અનુસાર, ગેરેજની નજીકમાં જ હોળી પ્રગટાવવામાં આવી હતી. આ દરમિયાન હોળીના તણખાને કારણે નજીકમાં પડેલો કચરો ઝપેટમાં આવી ગયો હતો. જોતજોતામાં કચરામાં લાગેલી આગ વિકરાળ બની હતી અને પવનના કારણે ગેરેજ સુધી પ્રસરી ગઈ હતી. આગની લપેટમાં ગેરેજનો શેડ અને ત્યાં રિપેરિંગ માટે આવેલી ત્રણ કાર આવી ગઈ હતી.