ભરૂચ જિલ્લાના ઔદ્યોગિક હબ ગણાતા અંકલેશ્વર GIDC વિસ્તારમાં આજે એક મોટી બેદરકારી સામે આવી છે. GIDCની વ્યસ્ત એવી ગટ્ટુ ચોકડી પાસે અચાનક રોડ પર ઓઈલ ઢોળાવાને કારણે વાહનચાલકો માટે મોતની લપસણી જેવી સ્થિતિ સર્જાઈ હતી.


અંકલેશ્વર GIDCમાં અકસ્માતોની હારમાળા

રોડ પર વ્યાપક પ્રમાણમાં ઓઈલ ઢોળાયેલું હોવાથી પસાર થતા ટુ-વ્હીલર અને અન્ય વાહનો એકપછી એક સ્લીપ થવા લાગ્યા હતા. આ અકસ્માતોની વણઝારમાં એક મોપેડ ચાલક મહિલા ગંભીર રીતે નીચે પટકાઈ હતી. મહિલાને શરીરે ઈજાઓ પહોંચતા તાત્કાલિક સારવાર અર્થે નજીકની હોસ્પિટલમાં ખસેડવામાં આવી છે.

પાણીનો મારો ચલાવી ઓઈલ સાફ કર્યું 

ઘટનાની જાણ થતા જ આસપાસના લોકો એકઠા થઈ ગયા હતા અને ટ્રાફિક જામની સ્થિતિ સર્જાઈ હતી. તાત્કાલિક ધોરણે DPMCના ફાયર ટેન્ડરને બોલાવવામાં આવ્યા હતા. ફાયરની ટીમે રોડ પર પાણીનો મારો ચલાવી ઓઈલ સાફ કર્યું હતું, ત્યારબાદ વાહનવ્યવહાર ફરી પૂર્વવત કરવામાં આવ્યો હતો..

આ પણ વાંચો: Vadodara: દાહોદ, ભરૂચ અને વડોદરામાં કમોસમી વરસાદ, ખેતી પાકને ભારે નુકસાનની ભીતિ




  • Follow us on: