ભરૂચ જિલ્લાના અંકલેશ્વર પાસે આવેલા પાનોલી નજીક નેશનલ હાઈવે 48 પર આજે એક ભયાનક અકસ્માત સર્જાયો હતો. કેમિકલ ખાલી કરીને વડોદરા તરફ જઈ રહેલું એક ખાલી ટેન્કર પાનોલી ઓવરબ્રિજ પરથી નીચે ખાબકતા સમગ્ર પંથકમાં ચકચાર મચી ગઈ હતી. સદનસીબે આ અકસ્માતમાં ટેન્કર ચાલકે સમયસૂચકતા વાપરીને કૂદી પડતા તેનો આબાદ બચાવ થયો હતો.
પાનોલી હાઈવે પર ટેન્કરનો અકસ્માત
બ્રિજની રેલિંગ તોડી ટેન્કર નીચે પટકાયું મળતી માહિતી મુજબ, ટેન્કર ચાલક કેમિકલનો જથ્થો ખાલી કરીને વડોદરા જઈ રહ્યો હતો. આ દરમિયાન પાનોલી ઓવરબ્રિજ પરથી પસાર થતી વખતે ટેન્કર પરનો કાબૂ ગુમાવતા ટેન્કર પૂરઝડપે બ્રિજની લોખંડની રેલિંગ તોડીને સીધું જમીન પર ખાબક્યું હતું. ટેન્કર નીચે પટકાતા જ મોટો ધડાકો થયો હતો, જેને પગલે આસપાસના લોકો દોડી આવ્યા હતા.
