અરવલ્લી જિલ્લામાંથી સરહદી સુરક્ષા અને કાયદો-વ્યવસ્થાના મોરચે વહીવટી તંત્રના સફાળા આદેશોના એક મોટા સમાચાર સામે આવી રહ્યા છે. અરવલ્લી જિલ્લાના પોલીસ વડા (SP) મનોહરસિંહ જાડેજાએ વહીવટી અનુકૂળતા અને કામગીરીમાં પારદર્શિતા વધારવાના ભાગરૂપે જિલ્લાના એકસાથે ૧૩૦ જેટલા પોલીસકર્મીઓની સામૂહિક બદલી ના આદેશ જારી કર્યા છે.
મુખ્ય તાલુકા મથકોના સ્ટાફની ફેરબદલ
એસપીના સત્તાવાર હુકમ અનુસાર, જિલ્લાના અલગ-અલગ મહત્વના પોલીસ સ્ટેશનો અને વિવિધ ખાસ શાખાઓ (Branches) માં ફરજ બજાવતા કર્મચારીઓની બદલી કરવામાં આવી છે. જેમાં ખાસ કરીને મેઘરજ અને માલપુર પોલીસ સ્ટેશનનો સ્ટાફ, બાયડ અને ધનસુરા પોલીસ મથકની કામગીરી ભિલોડા અને મોડાસા (જિલ્લા મથક) ના પોલીસકર્મીઓ મોટા પ્રમાણમાં આંતરિક ફેરફાર જોવા મળ્યા છે.