અરવલ્લી જિલ્લાના બાયડના આંબા ગામમાં વરઘોડાના કાર્યક્રમ દરમિયાન ટોળાએ તોડફોડ કરી પથ્થરમારો કરતાં દોડધામ મચી ગઇ હતી.
ઘટના અંગે માહિતી મુજબ બીજા ગામના DJ ને વરઘોડામાં બોલાવાયું હોવાની વાતને લઈને કેટલાક શખ્સોએ હુમલો કર્યો હતો. ડીજે વિવાદ મુદ્દે બોલાચાલી ઝઘડો થયા બાદ મામલો વકર્યો હતો.
ઉશ્કેરાયેલા ટોળાએ ડીજેના બેનરો ફાડી નાખ્યા હતા અને લાઇટો પણ તોડી નાખી હતી. ટોળાએ પથ્થરમારો કરતાં બે યુવાને માથાના ભાગે ઇજા થઇ હતી જેથી તેમને સારવાર માટે હોસ્પિટલમાં ખસેડાયા હતા.
હુમલાખોરોએ જાનથી મારી નાખવાની ધમકી આપવાનો પણ આક્ષેપ કરાયો છે.
ઘટના અંગે પોલીસે ગુનો નોંધીને તપાસ શરુ કરી છે. પોલીસે 6 શખ્સો સામે ગુનો નોંધ્યો છે. સમગ્ર મારામારીની ઘટનાનો વીડિયો સોશિયલ મીડિયામાં વાયરલ થતાં ચકચાર મચી ગઇ હતી.