થરાદ પોલીસે નશાના કારોબારીઓ સામે લાલ આંખ કરી છે. ભારતમાલા હાઈવે પર આવેલા વાંતડાઉ ચેકપોસ્ટ નજીકથી પોલીસે લાખોની કિંમતના ડ્રગ્સ સાથે બે શખ્સોને ઝડપી પાડી નશાના નેટવર્ક પર મોટો પ્રહાર કર્યો છે.
વાંતડાઉ ચેકપોસ્ટ પાસેથી ડ્રગ્સ ઝડપાયું
થરાદ પોલીસને મળેલી ચોક્કસ બાતમીના આધારે વાંતડાઉ ચેકપોસ્ટ પાસે નાકાબંધી કરવામાં આવી હતી. આ દરમિયાન રાજસ્થાન તરફથી આવતી એક સફેદ કલરની કાર (RJ-37-UA-7186) ને અટકાવી તપાસ કરતા તેમાંથી નશાનો જથ્થો મળી આવ્યો હતો. પોલીસે કારમાં સવાર બે શખ્સોની અટકાયત કરી વધુ તપાસ હાથ ધરી હતી.