ભરૂચ જીઆઈડીસી (GIDC) વિસ્તારમાં આવેલી એક ખાનગી કંપનીમાં અચાનક આગ ફાટી નીકળતા વિસ્તારમાં દોડધામ મચી ગઈ હતી. જીઆઈડીસીમાં આવેલી તુષાર ટ્રાન્સ એક્યુટમેન્ટ પ્રા. લિ. નામની કંપનીમાં આગની ઘટના બનતા કામદારો અને આસપાસની કંપનીઓમાં અફરાતફરી સર્જાઈ હતી.
ફાયર ફાઈટરોની ત્વરિત કામગીરી
આગ લાગ્યાની જાણ થતા જ ભરૂચ નગરપાલિકાની ફાયર ટીમ તેમજ GNFC ની ફાયર ફાઈટરોની ટીમો તાત્કાલિક ઘટનાસ્થળે દોડી આવી હતી. આગની જ્વાળાઓ વધુ પ્રસરે તે પહેલાં જ ફાયર વિભાગના જવાનોએ ચારેય તરફથી પાણીનો મારો ચલાવી આગને કાબૂમાં લેવાની કામગીરી શરૂ કરી હતી. ભારે જહેમત બાદ આગ પર સંપૂર્ણ કાબૂ મેળવી લેવાયો હતો.
