ભરૂચ જિલ્લાના કાવી પોલીસ સ્ટેશન વિસ્તારમાં માનવતાને લજવતી એક ઘટના સામે આવી છે. 17 વર્ષની સગીર વયની કિશોરીને તેના ઘરેથી ભગાડી જઈને તેની પર દુષ્કર્મ આચરવામાં આવ્યું હોવાની ફરિયાદ નોંધાતા સમગ્ર પંથકમાં ચકચાર મચી ગઈ છે. આ મામલે કાવી પોલીસે ત્વરિત કાર્યવાહી હાથ ધરીને મુખ્ય આરોપી સહિત તેને મદદ કરનાર શખ્સને ગણતરીના કલાકોમાં ઝડપી પાડી જેલના સળિયા પાછળ ધકેલી દીધા છે.
આરોપી સચિન ઠાકોર અને મદદગારની ધરપકડ
આરોપીઓની ધરપકડ અને ગુનાની વિગત કાવી પોલીસે આ ગુનામાં મુખ્ય આરોપી સચિન કુમાર ગીરીશકુમાર ઠાકોર (ઉંમર 22 વર્ષ) ની ધરપકડ કરી છે, જેણે સગીરાને પોતાની હવસનો શિકાર બનાવી હતી. આ ઉપરાંત, આ કૃત્યમાં તેને સાથ આપનાર અને મદદગારી કરનાર જયેશભાઈ ઘનશ્યામભાઈ ઠાકોર નામના અન્ય એક શખ્સની પણ પોલીસે ધરપકડ કરી છે. આરોપીઓએ સગીરાને લલચાવી-ફોસલાવી ઘરેથી ભગાડી જવાનું અને ત્યારબાદ દુષ્કર્મ આચરવાનું ઘૃણાસ્પદ કૃત્ય કર્યું હતું.
