ઉત્તરવાહિની નર્મદા પરિક્રમા આગામી 19 માર્ચથી શરૂ થઈ રહી છે. આ માટે તંત્ર દ્વારા તૈયારીઓ કરવામાં આવી છે. ત્યારે આ પરિક્રમામાં પ્રથમ ગ્રાસે મક્ષિકા જેવો ઘાટ ઘડાયો છે. તંત્રએ પરિક્રમા કરનારા શ્રદ્ધાળુઓ માટે સુવિધા ઉભી કરી છે. જેમાં નુકસાનીની વિગતો સામે આવી છે. શહેરાવ અને તિલકવાડા વચ્ચે તંત્ર દ્વારા તૈયાર કરવામાં આવેલા હંગામી પુલને નદીમાં પાણી છોડવામાં આવતા નુકસાન થયું છે.
બોટમાં ક્ષમતા કરતાં વધુ લોકોને બેસાડાયા
તંત્રના અધિકારીઓએ આ નુકસાની સામે તાબડતોબ સમારકામ પણ શરૂ કર્યું હતું. ત્યારે હવે બોટમાં ક્ષમતા કરતાં વધુ મુસાફરોનો મામલો સામે આવ્યો છે. ભરૂચના હાંસોટના વામલેશ્વર ઘાટ પર ગંભીર બેદરકારી સામે આવી છે. નર્મદા પરિક્રમા વાસીઓના જીવ જોખમમાં મુકાયા હતાં. પરિક્રમાર્થીઓ જીવના જોખમે નદી પાર કરવા મજબૂર બન્યા હતાં.