ભાવનગર શહેરમાં દારૂબંધીના કડક અમલ માટે પોલીસ એક્શન મોડમાં આવી છે. ભાવનગરના આડોડીયા વાસ વિસ્તારમાં ચાલતા દેશી દારૂના કાળા કારોબાર પર Dysp સ્ક્વોડ અને ઘોઘારોડ પોલીસની ટીમે સંયુક્ત રીતે તવાઈ બોલાવી છે. પોલીસના આ ઓપરેશનથી બુટલેગરોમાં ભારે ફફડાટ વ્યાપી ગયો છે.
રેડની વિગત
મળતી માહિતી અનુસાર, ભાવનગરના આડોડીયા વાસમાં દેશી દારૂનું વેચાણ અને ઉત્પાદન થતું હોવાની બાતમી પોલીસને મળી હતી. જેના આધારે Dysp સ્ક્વોડ અને સ્થાનિક પોલીસની ટીમોએ વિશાળ કાફલા સાથે આ વિસ્તારમાં આકસ્મિક રેડ કરી હતી. પોલીસે ગલીએ-ગલીએ અને શંકાસ્પદ સ્થળો પર સઘન ચેકિંગ હાથ ધર્યું હતું.
