શહેરના હાર્દ સમાન ગણાતા મેઘાણી સર્કલ વિસ્તારમાં આજે એક મોટી દુર્ઘટના ટળી હતી. જાહેરાત માટે લગાવવામાં આવેલું એક વિશાળ હોર્ડિંગ અચાનક તૂટી પડતા રસ્તા પરથી પસાર થતા લોકોમાં દોડધામ મચી ગઈ હતી. સદનસીબે આ ઘટનામાં કોઈ જાનહાનિ થઈ નથી.
મેઘાણી સર્કલ પર હોર્ડિંગ તૂટી પડ્યું
મળતી માહિતી મુજબ, મેઘાણી સર્કલ પાસેના રોડ પર એક મહાકાય હોર્ડિંગ લગાવેલું હતું. આ દરમિયાન એક ખાનગી વાહનના ચાલકે હોર્ડિંગના સ્ટ્રક્ચર સાથે ટક્કર મારી હતી. વાહનની ટક્કર એટલી જોરદાર હતી કે હોર્ડિંગનો પાયો નબળો પડ્યો હતો અને આખું હોર્ડિંગ કકડભૂસ થઈને નીચે ખાબક્યું હતું.
