ભાવનગરમાં એક ટ્રક અને બાઈક વચ્ચે ટક્કર થઈ હતી. આ અકસ્માતમાં બાઈકચાલકનું મોત થતા સમગ્ર પંથકમાં અરેરાટી વ્યાપી ગઈ છે. એક જ મહિનામાં આવી બીજી ઘટના નોંધાતા સ્થાનિકોમાં રોષ જોવા મળી રહ્યો છે. આ સાથે સ્થાનિકો બેફામ ચાલતા ટ્રક ચાલકો સામે કાયદેસરની કાર્યવાહી કરવામાં આવે તેવી માગ કરી રહ્યા છે.
બાઇકચાલકનું ઘટના સ્થળે જ મોત
ઘટનાની મળતી માહિતી અનુસાર, ભાવનગર જિલ્લાના જોગીવાડની ટાંકી વિસ્તારમાં બાઈકચાલકને એક ટ્રક દ્વારા ટક્કર મારવામાં આવી હતી, જે કારણે અકસ્માત સર્જાયો હતો. ટ્રક અડફેટે આવી જતા બાઇકચાલકનું ઘટના સ્થળે જ મોત થયું હતું. આવા અકસ્માતની એક માસમાં બીજી ઘટનાથી નોંધાતા લોકોમાં રોષ ફાટી નીકળ્યો છે.
