ગઢડા ખાતે આજે રાજકીય માહોલ ગરમાયો હતો, જ્યાં ગઢડા નગરપાલિકાના પ્રમુખ પદ માટેની ચૂંટણી યોજાઈ હતી. આ ચૂંટણીમાં કિશોરભાઈ ખાચરની નગરપાલિકાના નવા પ્રમુખ તરીકે બિનહરીફ વરણી કરવામાં આવી છે.
પાંચ મહિનામાં રાજીનામું અને નવી ચૂંટણી
નોંધનીય છે કે, અગાઉના પ્રમુખ હિતેશ પટેલે ફક્ત પાંચ મહિનાના ટૂંકા ગાળામાં જ પ્રમુખ પદેથી રાજીનામું આપ્યું હતું, જેના કારણે આ બેઠક ખાલી પડી હતી. આજે નગરપાલિકાના હોલમાં પ્રાંત અધિકારી આરતી ગોસ્વામીના અધ્યક્ષતામાં પ્રમુખની ચૂંટણી યોજાઈ હતી. ગરપાલિકામાં કુલ 28 સભ્યો છે, જેમાંથી 18 ભારતીય જનતા પાર્ટી (BJP)ના અને 10 કોંગ્રેસના છે. બિનહરીફ વરણી થતા કિશોરભાઈ ખાચરને સત્તાવાર રીતે પ્રમુખ જાહેર કરવામાં આવ્યા હતા.
