ભાવનગર જિલ્લાના માઢીયા ગામ પાસે આજે એક ગમખ્વાર અકસ્માતની ઘટના સામે આવી છે. મહુવા તરફ જઈ રહેલો એક માલવાહક ટ્રક બેકાબૂ બનીને હાઈવેના ડિવાઈડર સાથે ધડાકાભેર અથડાયો હતો. આ ટક્કર એટલી જોરદાર હતી કે ટ્રક રસ્તા પર જ પલટી ખાઈ ગયો હતો.
ડીઝલ ટેન્ક તૂટતા આગ ભભૂકી
અકસ્માત દરમિયાન ટ્રકની ડીઝલ ટેન્ક ફાટી ગઈ હતી અથવા તૂટી ગઈ હતી, જેના કારણે ગણતરીની સેકન્ડોમાં જ સમગ્ર ટ્રકમાં ભીષણ આગ લાગી ગઈ હતી. હાઈવે પર ઉડતા આગના ગોળા અને કાળા ધુમાડાના ગોટા દૂર-દૂર સુધી જોવા મળ્યા હતા. જેને પગલે હાઈવે પરથી પસાર થતા વાહનચાલકોમાં ફફડાટ વ્યાપી ગયો હતો.
