Bhavnagar: ઈવા સુરભી મોલ સહિત 4 સ્થળોએ પોલીસના દરોડા, હાઈપ્રોફાઈલ સેક્સ રેકેટ ઝડપાયું

ભાવનગર શહેરમાં છેલ્લા કેટલાક સમયથી સ્પાની આડમાં અનૈતિક પ્રવૃત્તિઓ ચાલતી હોવાની ફરિયાદો ઉઠી રહી હતી. આ મામલે ભાવનગર પોલીસે કડક વલણ અપનાવીને શહેરના વિવિધ વિસ્તારોમાં આવેલા સ્પા સેન્ટરો પર ઓચિંતા દરોડા પાડતા ચકચાર મચી ગઈ છે.

ભાવનગર શહેરમાં કુટણખાનું ઝડપાયું

પોલીસ કાફલાએ શહેરના જાણીતા ઈવા સુરભી મોલમાં આવેલા 2 સ્પા સેન્ટર સહિત કુલ 4 સ્થળોએ સર્ચ ઓપરેશન હાથ ધર્યું હતું. તપાસ દરમિયાન જાણવા મળ્યું હતું કે અહીં સ્પા સર્વિસના નામે કુટણખાના ચલાવવામાં આવી રહ્યા હતા.

7 યુવતીઓ અને 2 ગ્રાહકોને ઝડપી પાડ્યા

આ દરોડા દરમિયાન પોલીસે સ્થળ પરથી 7 યુવતીઓ અને 2 ગ્રાહકોને ઝડપી પાડ્યા છે. પોલીસની આ આકસ્મિક કાર્યવાહીથી ગેરકાયદેસર પ્રવૃત્તિ કરતા સ્પા સંચાલકોમાં ફફડાટ વ્યાપી ગયો છે. પોલીસે તમામ આરોપીઓ વિરુદ્ધ ગુનો નોંધી આગળની તપાસ તેજ કરી છે કે આ નેટવર્ક ક્યાં સુધી ફેલાયેલું છે.

આ પણ વાંચો: Tharad: રાજસ્થાનથી ડ્રગ્સ સપ્લાય કરતો મુખ્ય સૂત્રધાર ખોડા ચેકપોસ્ટથી ઝડપાયો