ભારતની સરહદે આવેલા કચ્છ જિલ્લામાં પશ્ચિમ કચ્છ એસઓજી (SOG) પોલીસે એક મોટી કાર્યવાહી હાથ ધરીને ISIS (ઈસ્લામિક સ્ટેટ) ની વિચારધારાને અનુસરતા અને ફેલાવતા એક યુવકને ઝડપી પાડ્યો છે. પકડાયેલો યુવક ભુજ તાલુકાના લોડાઈ ગામનો રહેવાસી છે અને તે ઓનલાઈન માધ્યમો દ્વારા કટ્ટરપંથી વિચારોનો પ્રસાર કરતો હતો.
કચ્છમાં દેશવિરોધી મનસૂબાનો પર્દાફાશ
પોલીસ તપાસમાં સામે આવ્યું છે કે, પકડાયેલા આરોપીનું નામ ફકીર ઈશા ગગડા છે, જે ભુજના લોડાઈ ગામમાં રહેતો હતો. તે છેલ્લા કેટલાક સમયથી પોલીસના રડારમાં હતો. આરોપી સોશિયલ મીડિયા પ્લેટફોર્મ પર સક્રિય રહીને પ્રતિબંધિત આતંકી સંગઠનોના વીડિયો અને લખાણો શેર કરતો હતો.