આણંદ જિલ્લાના બોરસદ શહેરમાં મહાશિવરાત્રિના પાવન પર્વની અદભૂત અને યાદગાર ઉજવણી કરવામાં આવી હતી. બોરસદના ઈતિહાસમાં સુવર્ણ અક્ષરે લખાય તેવી 'શિવજી કી સવારી'માં આશરે 35 હજારથી વધુ માનવ મહેરામણ ઉમટી પડતા આખું શહેર શિવભક્તિના રંગે રંગાયું હતું.
ભવ્ય આયોજન અને નગરચર્યા
બળિયાદેવ મંદિર પાસેથી શિવજીની શોભાયાત્રાનો પ્રારંભ થયો હતો. નંદી પર સવાર થઈને શિવ પરિવાર જ્યારે નગરચર્યાએ નીકળ્યો, ત્યારે ભક્તોમાં ભારે ઉત્સાહ જોવા મળ્યો હતો. આ સવારીમાં આધુનિક LED લાઈટિંગ, ગુંજતા DJના સૂર અને આકાશને આંબતી ભવ્ય આતશબાજીએ આકર્ષણ જમાવ્યું હતું.