Botad : 14 વર્ષની માસૂમ સગીરા પર વારંવાર દુષ્કર્મ આચરનારો 70 વર્ષનો નરાધમ વૃદ્ધૃ ઝડપાયો

બોટાદ જિલ્લાના પાળિયાદ પોલીસમથક વિસ્તારમાંથી માનવતાને હચમચાવી દેનારી એક અત્યંત કરુણ અને ગંભીર ઘટના સામે આવી છે, જ્યાં 70 વર્ષના એક નરાધમ વૃદ્ધે 14 વર્ષની માસૂમ સગીરા પર વારંવાર દુષ્કર્મ આચર્યું હતું. સગીરાને પેટમાં દુખાવો ઉપડતાં સમગ્ર ભાંડો ફૂટ્યો હતો. હોસ્પિટલમાં આ કિશોરીએ બાળકને જન્મ આપતાં સમગ્ર પંથકમાં હાહાકાર મચી ગયો છે.

વૃદ્ધે એક 14 વર્ષીય કિશોરી ઉપર વારંવાર દુષ્કર્મ ગુજારી પોતાની હવસનો શિકાર બનાવી

બોટાદના અરજણ ખોડાભાઇ ચાવડા (ઉં.વ. 70) નામના વૃદ્ધે એક 14 વર્ષીય કિશોરી ઉપર વારંવાર દુષ્કર્મ ગુજારી પોતાની હવસનો શિકાર બનાવી હતી.અને જો કોઈને કહિશ તો તારા પિતાને મારી નાખવાની ધમકી આપી હતી.

એક બાળકને જન્મ આપ્યો હતો

કિશોરીને અચાનક દુખાવો ઊપડતાં તેને તાત્કાલિક હોસ્પિટલ ખાતે ખસેડવામાં આવી હતી, જ્યાં તેણે એક બાળકને જન્મ આપ્યો હતો. નવજાત બાળકને વધુ સારવાર માટે ભાવનગર ખાતે ખસેડવામાં આવ્યું છે.

અરજણ ખોડાભાઇ ચાવડાની ધરપકડ

સગીરાના વાલીઓએ ગત 1 ડિસેમ્બર, 2025ના રોજ પાળિયાદ પોલીસ મથકમાં 70 વર્ષીય આરોપી અરજણ ખોડાભાઇ ચાવડા વિરુદ્ધ દુષ્કર્મની ગંભીર ફરિયાદ નોંધાવી હતી. ફરિયાદના આધારે પાળિયાદ પોલીસે તાત્કાલિક કાર્યવાહી હાથ ધરીને બીજા જ દિવસે, એટલે કે 2 ડિસેમ્બર, 2025ના રોજ આરોપીની ધરપકડ કરી કાયદેસરની કાર્યવાહી હાથ ધરી તેને જેલહવાલે કર્યો હતો..

આ પણ વાંચો---   Gujarat Flashback 2025 : ગુજરાત પોલીસે સ્પેશ્યલ ડ્રાઇવ કરી ગુનેગારોમાં ફફડાટ ફેલાવ્યો હતો, 100 કલાકમાં રાષ્ટ્રવિરોધી તત્વોનું ચેકીંગ થયું હતું