બોટાદ શહેરમાં શેરબજારમાં વધુ નફાની લાલચ આપી લોકો સાથે ઑનલાઈન ઠગાઈ કરતી ટોળકી ઝડપાઈ છે. બોટાદ પોલીસ દ્વારા ગઢડા રોડ પર પેટ્રોલિંગ દરમિયાન શંકાસ્પદ અર્ટીગા કાર રોકી તપાસ કરતાં પાંચ આરોપીઓને ઝડપી પાડવામાં આવ્યા હતા.
આરોપીઓ ‘માર્કેટ પલ્સ’ નામની એપ મારફતે લોકોને રોકાણ માટે પ્રલોભન આપતા
પ્રાથમિક માહિતી મુજબ આરોપીઓ ‘માર્કેટ પલ્સ’ નામની એપ મારફતે લોકોને રોકાણ માટે પ્રલોભન આપતા હતા. વોટ્સએપ કોલ કરીને પોતાને શેરબ્રોકર તરીકે ઓળખાવતા અને શરૂઆતમાં નફો બતાવી લોકોનો વિશ્વાસ જીતતા હતા. બાદમાં ખોટી પી.ડી.એફ. સ્ટેટમેન્ટ મોકલી લાખો રૂપિયાની ઠગાઈ આચરતા હતા.
