'થર્ટી ફર્સ્ટ' (31st December) ની ઉજવણીને ધ્યાનમાં રાખીને ગુજરાત પોલીસ દ્વારા રાજ્યવ્યાપી સ્પેશિયલ પ્રોહિબિશન ડ્રાઇવ ચલાવવામાં આવી રહી છે. જે અંતર્ગત બોટાદ એલ.સી.બી. (LCB) પોલીસે રાણપુર વિસ્તારમાં સપાટો બોલાવી વિદેશી દારૂ અને બીયરના મોટા જથ્થા સાથે એક શખ્સને દબોચી લીધો છે.
બોટાદમાં કારમાંથી દારૂનો જથ્થો ઝડપાયો
ભાવનગર વિભાગના આઈ.જી. ગૌતમ પરમાર અને બોટાદ એસ.પી.ના માર્ગદર્શન હેઠળ એલ.સી.બી. પી.આઈ. એ.જી. સોલંકીની ટીમ રાણપુર વિસ્તારમાં પેટ્રોલિંગમાં હતી. આ દરમિયાન બાતમી મળી હતી કે એક ઇનોવા કારમાં દારૂનો જથ્થો પસાર થવાનો છે. બાતમીના આધારે રાણપુર–પાળીયાદ ત્રણ રસ્તા પાસે અંડરબ્રિજ નજીક પોલીસે વોચ ગોઠવી હતી.
