બોટાદ જિલ્લામાં ટ્રાફિક વ્યવસ્થાને સુચારૂ બનાવવા અને માર્ગ સુરક્ષાના નિયમોનું ચુસ્તપણે પાલન થાય તે હેતુથી જિલ્લા ટ્રાફિક પોલીસ દ્વારા સઘન ચેકિંગ હાથ ધરવામાં આવ્યું હતું. શહેરના મુખ્ય માર્ગો પર ખાસ ડ્રાઈવ ચલાવીને નિયમ ભંગ કરનારા વાહનચાલકો સામે કડક દંડનીય કાર્યવાહી કરવામાં આવી હતી.
જ્યોતિગ્રામ સર્કલ પાસે પોલીસની વિશેષ ડ્રાઈવ
જિલ્લા ટ્રાફિક PSI એ.એમ. રાવલ અને તેમની ટીમ દ્વારા શહેરના વ્યસ્ત ગણાતા જ્યોતિગ્રામ સર્કલ પાસે નાકાબંધી કરીને વાહન ચેકિંગ શરૂ કરવામાં આવ્યું હતું. આ ઝુંબેશનો મુખ્ય ઉદ્દેશ્ય ગુનાખોરી અટકાવવાનો અને ટ્રાફિકના નિયમો પ્રત્યે જાગૃતિ લાવવાનો હતો.