છોટાઉદેપુર જિલ્લાના ક્વાંટમાં શાકભાજી ખરીદવા આવેલા વ્યક્તિની બાઈકની ચોરીનો પ્રયાસ કરાયો હતો. બાઇક ચોરીને ભાગતા ચોરમાંથી એકને લોકોએ ઝડપી પાડ્યો અને જાહેરમાં વરઘોડો કાઢ્યો હોવાનો વીડિયો સોશિયલ મીડિયામાં વાયરલ થયો છે.
ત્રણ ચોરોની ટોળકીમાંથી એક ચોરને બાઈક માલિક અને સ્થાનિકોએ ઝડપી લીધો
માહિતી અનુસાર, ત્રણ ચોરોની ટોળકીમાંથી એક ચોરને બાઈક માલિક અને સ્થાનિકોએ ઝડપી લઇ તેનો જાહેરમાં વરઘોડો કાઢ્યો હતો. બાઇક માલિકે ચોરનો પીછો કરી બૈડીયા વિસ્તારમાંથી તેને ઝડપી પાડ્યો.
વીડિયો સોશિયલ મીડિયામાં વાયરલ
સમગ્ર ઘટનાનો વીડિયો સોશિયલ મીડિયામાં વાયરલ થયો છે, પરંતુ વાયરલ વીડિયોની સંદેશ ન્યૂઝ પુષ્ટિ કરતું નથી.. હાલમાં આ મામલે કોઈ પોલીસ ફરિયાદ નોંધાવવામાં આવી નથી.
