ચોટીલા પંથકમાં ગેરકાયદે ખનન અને લીઝની આડમાં ચાલતી ગેરરીતિઓ પર વહીવટી તંત્રએ સર્જિકલ સ્ટ્રાઈક કરી છે. પાંજવાણી ગામે આવેલી 'જય ચામુંડા' નામની લીઝ પર તપાસ હાથ ધરતા નિયમોના લીરેલીરા ઉડતા જોવા મળ્યા હતા, જેના પગલે પ્રાંત અધિકારીએ કરોડો રૂપિયાની મશીનરી સીઝ કરી છે.
લીઝની આડમાં ચાલતી ગેરરીતિઓ
ચોટીલાના પ્રાંત અધિકારી હરેશ મકવાણા અને તેમની ટીમે જ્યારે આકસ્મિક તપાસ હાથ ધરી, ત્યારે અનેક ચોંકાવનારા ખુલાસા થયા હતા. લીઝ ધારક દ્વારા કોઈપણ પ્રકારના હિસાબી ચોપડા કે સરકારની નોંધ રાખ્યા વગર મનસ્વી રીતે કામગીરી કરવામાં આવતી હતી. લીઝની મર્યાદા બહાર જઈને બાજુમાં આવેલી સરકારી ખરાબાની જમીનનો પણ ગેરકાયદેસર રીતે વપરાશ અને ખનન થતું હોવાનું સામે આવ્યું હતું.