વડોદરાના વડદલા ગામના એક મકાનમાં જ્યારે એક સાપ દેખાયો ત્યારે પરિવારને અંદાજ નહોતો કે તે ભારતનો સૌથી ઘાતક સાપ છે. 'સો-સ્કેલ્ડ વાઈપર' તરીકે ઓળખાતો આ સાપ કદમાં નાનો હોય છે પરંતુ તેનું ઝેર અત્યંત મારક હોય છે.
ભારતનો સૌથી ઘાતક સાપ સો-સ્કેલ્ડ વાઈપર
મકાન માલિકે સાપ જોતા જ સાપ પકડતી સંસ્થાનો સંપર્ક કર્યો હતો. શ્રી સાંઈ દ્વારકામાઈ ચેરીટેબલ ટ્રસ્ટના સેવક આર્યને ખૂબ જ સાવધાનીપૂર્વક આ સાપને પકડી લીધો હતો. આર્યને જણાવ્યું હતું કે, આ સાપ મોટાભાગે સૂકા અને રેતાળ પ્રદેશોમાં જોવા મળે છે, વડોદરામાં તેનું દેખાવું એ પર્યાવરણ પ્રેમીઓ માટે પણ એક આશ્ચર્યનો વિષય છે.
