દાહોદ જિલ્લાના લીમડી હાઈવે પર ગઈકાલે મોડી સાંજે એક અત્યંત કરુણ અકસ્માત સર્જાયો હતો. કાળી મહુડી ગામ પાસે બે મોટરસાયકલો વચ્ચે થયેલી જોરદાર ટક્કરમાં બે લોકોના ઘટનાસ્થળે જ કમકમાટીભર્યા મોત નીપજ્યા છે, જ્યારે એક વ્યક્તિ ગંભીર રીતે ઘાયલ થયો છે.
દાહોદમાં બે બાઇક વચ્ચે અકસ્માત
પ્રાપ્ત વિગતો અનુસાર, કાળી મહુડી ગામ નજીકથી પસાર થતા હાઈવે પર ગઈ મોડી સાંજે બે બાઈક સામસામે અથડાઈ હતી. ટક્કર એટલી પ્રચંડ હતી કે બંને બાઈક પર સવાર યુવકો રોડ પર ફંગોળાયા હતા. આ અકસ્માતમાં ગંભીર ઈજાઓ થવાના કારણે બે યુવકોએ ઘટનાસ્થળે જ દમ તોડ્યો હતો. જ્યારે અન્ય એક વ્યક્તિને ગંભીર ઈજાઓ પહોંચતા સ્થાનિક લોકોએ તાત્કાલિક 108 એમ્બ્યુલન્સને જાણ કરી હતી.
