થોડા દિવસ પહેલા દાહોદ APMC માર્કેટમાં થયેલી 5 લાખની ચોરી પોલીસની સક્રિય કામગીરી બાદ ઉકેલાઈ છે. ઘટના સ્થળેથી પોલીસને સીસીટીવી ફૂટેજ અને જાગૃત નાગરિકોની મદદ મળી હતી, જેના આધારે મહિલા ગેંગની ઓળખ થઈ.
ઘટનાની વિગત
ભિક્ષુકના વેશમાં આવેલી 7 થી 8 મહિલાની ટોળકી લોકેશ ખંડેલવાલની દુકાનમાંથી 5 લાખ રકમ ચોરી કરવા આવી હતી. તેઓએ શહેરના દોલતંદ બજાર અને હનુમાન બજારમાં પણ ચોરી કરવાનો પ્રયાસ કર્યો હતો.
પોલીસની ઝડપી કાર્યવાહી
પોલીસ ટીમે સીસીટીવીના આધારે તપાસ કરીને મહારાષ્ટ્રના પાલઘરમાં ગુટખી ગેંગને ઝડપી પાડી હતી. પોલીસ દ્વારા, ચોરી કરાયેલી 5 લાખની રકમ વેપારીને પરત કરવામાં આવી. ઘટના ઉકેલવામાં, રીક્ષા ચાલક ભીખુભાઈની મદદ મહત્વપૂર્ણ સાબિત થઈ.
આ પણ વાંચો-- Gandhinagar : પોલીસનું માન ન જાળવે અથવા બંધારણનો ભંગ કરે તો તેમની સામે પગલા ભરો.. DYCMની પોલીસને સૂચના
