ગાંધીનગરના પીંપળજ વિસ્તારમાં આવેલી ખાણ ખનીજ વિભાગની ચેક પોસ્ટ પાસે આજે એક ચોંકાવનારી ઘટના બની છે. રેતી ભરેલા એક બેકાબૂ ડમ્પરે ખાણ ખનીજ વિભાગની જ સરકારી ગાડી પર પલટી મારી હતી. આ અકસ્માત એટલો ગંભીર હતો કે ડમ્પર નીચે આખી ગાડી દબાઈ ગઈ હતી.
ચેક પોસ્ટ પાસે ડમ્પર પલટી ગયું
પ્રાપ્ત વિગતો અનુસાર, પીંપળજ પાસે ખાણ ખનીજ વિભાગની ચેક પોસ્ટ આવેલી છે, જ્યાં અધિકારીઓ દ્વારા શંકાસ્પદ વાહનોનું ચેકિંગ કરવામાં આવતું હોય છે. આ દરમિયાન એક ડમ્પર ચાલકે સંતુલન ગુમાવ્યું હતું અથવા તો ચેકિંગથી બચવાના પ્રયાસમાં ડમ્પર પલટી ખાઈ ગયું હતું. કમનસીબે આ ડમ્પર ત્યાં ઉભેલી વિભાગની ગાડી પર જ પડ્યું હતું.
