ગાંધીનગરમાં આવેલા જાણીતા સરિતા ઉદ્યાન પાસે મોડી સાંજે એક ગમખ્વાર અકસ્માત સર્જાયો હતો. ક્રિકેટ રમીને રિક્ષામાં પરત ફરી રહેલા મિત્રોને પુરપાટ ઝડપે આવતી એક કારે જોરદાર ટક્કર મારી હતી. આ અકસ્માતમાં રિક્ષામાં સવાર ચાર યુવકોને ગંભીર ઇજાઓ પહોંચી છે.
સરિતા ઉદ્યાન પાસે ગમખ્વાર અકસ્માત
મળતી માહિતી મુજબ, કેટલાક યુવકો ક્રિકેટ રમીને રિક્ષામાં બેસીને પોતાના ઘર તરફ જઈ રહ્યા હતા. આ દરમિયાન સરિતા ઉદ્યાન નજીક એક કાર ચાલકે પોતાની કાર રિક્ષા સાથે ધડાકાભેર અથડાવી હતી. ટક્કર એટલી જોરદાર હતી કે રિક્ષામાં સવાર ચારેય યુવકોને નાની-મોટી ગંભીર ઇજાઓ થઈ હતી.