ગાંધીનગરના સરગાસણ અને કુડાસણ વચ્ચેના મુખ્ય માર્ગ પર આજે એક ગમખ્વાર અકસ્માત સર્જાયો હતો. એક કાર ચાલકે સ્ટેયરિંગ પરથી કાબૂ ગુમાવતા કારે જોરદાર પલટી મારી હતી. આ અકસ્માતને પગલે માર્ગ પર પસાર થતા અન્ય વાહનચાલકોમાં ફફડાટ વ્યાપી ગયો હતો, જોકે સદનસીબે આ ઘટનામાં કોઈ જાનહાનિ થઈ નથી.
ઇજાગ્રસ્ત ચાલકને તાત્કાલિક નજીકની ખાનગી હોસ્પિટલ ખાતે સારવાર અર્થે ખસેડવામાં આવ્યો છે. રાહતની વાત એ છે કે જે સમયે આ ઘટના બની તે સમયે આસપાસ અન્ય કોઈ વાહન કે રાહદારી ન હોવાથી મોટી દુર્ઘટના ટળી હતી. અકસ્માતને પગલે થોડો સમય ટ્રાફિક જામની સ્થિતિ સર્જાઈ હતી, પરંતુ બાદમાં સ્થિતિ થાળે પડી હતી.