ગુજરાતમાં ટૂંક સમયમાં યોજાનારી સ્થાનિક સ્વરાજની ચૂંટણીઓને લઈને વહીવટી તંત્ર દ્વારા તૈયારીઓ શરૂ કરી દેવામાં આવી છે. આ સંદર્ભમાં, રાજ્યના ચૂંટણી પંચ દ્વારા 2 જિલ્લા પંચાયત (જિ.પં.) અને તેની હેઠળ આવતી 18 તાલુકા પંચાયત (તા.પં.) માં અનામત બેઠકોના રોટેશનની જાહેરાત કરવામાં આવી છે.
રાજકીય ગરમાવો
તાજેતરમાં જ 27 ટકા OBC અનામત લાગુ થયા બાદ આ રોટેશન તબક્કાવાર જાહેર કરવામાં આવી રહ્યું છે. જાહેર થયેલા રોટેશનમાં ખાસ કરીને અમદાવાદ જિલ્લા પંચાયત અને પાટણ જિલ્લા પંચાયત તથા આ બંને જિલ્લાની 18 તાલુકા પંચાયતોની બેઠકોનો સમાવેશ થાય છે. આ રોટેશન જાહેર થવાથી હવે પંચાયતી રાજમાં કઈ બેઠક કયા વર્ગ માટે અનામત રહેશે તે સ્પષ્ટ થઈ ગયું છે. આ જાહેરાતને પગલે સ્થાનિક રાજકારણમાં ગરમાવો આવ્યો છે અને પક્ષો તેમજ સંભવિત દાવેદારોએ આગામી ચૂંટણી માટે પોતાની વ્યૂહરચના ઘડવાનું શરૂ કરી દીધું છે.