રાજ્યના વહીવટી મથક એવા સચિવાલયના કર્મચારીઓ દ્વારા કામકાજની પદ્ધતિમાં મોટા ફેરફારની માંગ કરવામાં આવી છે. ગુજરાત સચિવાલય ફેડરેશન દ્વારા મુખ્યમંત્રી ભૂપેન્દ્ર પટેલને એક પત્ર લખીને સચિવાલયમાં 'વર્ક ફ્રોમ હોમ' અને '5 ડેઝ વર્ક વીક' (અઠવાડિયામાં પાંચ દિવસ કામ) અમલમાં મૂકવા રજૂઆત કરવામાં આવી છે.
પેટ્રોલ અને ડીઝલનો જંગી વપરાશ
ફેડરેશને પત્રમાં જણાવ્યું છે કે, સચિવાલયમાં દરરોજ હજારોની સંખ્યામાં કર્મચારીઓ પોતાની ખાનગી ગાડીઓ કે સરકારી વાહનો દ્વારા અવરજવર કરે છે, જેના કારણે પેટ્રોલ અને ડીઝલનો જંગી વપરાશ થાય છે. જો હાઈબ્રિડ વર્ક મોડલ અપનાવવામાં આવે, તો ઈંધણની મોટી બચત થઈ શકે છે અને પ્રદૂષણમાં પણ ઘટાડો થઈ શકે છે.