સુરેન્દ્રનગરમાં નાયબ મામલતદાર ચંદ્રસિંહ મોરીના નિવાસ સ્થાને EDના દરોડા પડ્યા હતાં. આ કેસમાં સર્ચ ઓપરેશન બાદ EDએ મહત્વના ખુલાસા કર્યા છે. નાયબ મામલતદાર ચંદ્રસિંહ મોરીની ધરપકડ કરવામાં આવી છે. તેના પહેલી જાન્યુઆરી 2026 સુધીના રિમાન્ડ મંજૂર કરવામાં આવ્યા છે. હવે EDની તપાસ બાદ જિલ્લા કલેક્ટર રાજેન્દ્ર પટેલની પણ તાત્કાલિક બદલી કરવામાં આવી છે. કલેક્ટરનો ચાર્જ ડીડીઓને સોંપવામાં આવ્યો છે.
કલેક્ટરનો વધારાનો ચાર્જ સુરેન્દ્રનગર DDOને સોંપાયો
સુરેન્દ્રનગરમાં નાયબ મામલતદાર ચંદ્રસિંહ મોરીની ધરપકડ કરવામાં આવી છે. તેના પહેલી જાન્યુઆરી 2026 સુધીના રિમાન્ડ મંજૂર કરવામાં આવ્યા છે. EDએ આરોપીના 14 દિવસના રિમાન્ડની માગ કરી હતી. EDએ વિશેષ કોર્ટ સમક્ષ નિવેદન આપ્યું હતું કે, દિલ્હી પોલીસમાં ખંડણીની ફરિયાદ નોંધાઇ હતી. ગઈકાલે સુરેન્દ્રનગરમાં EDએ દરોડા પાડ્યા હતા.ફરિયાદની તપાસ કરતા આરોપીની માહિતી મળી હતી.આરોપી સામે વાંધાજનક મટિરિયલ મળ્યું હતુ, કલેક્ટર નિવાસસ્થાને પણ EDએ સર્ચ કર્યું હતું. હવે આ તપાસ બાદ કલેક્ટર રાજેન્દ્ર પટેલની તાત્કાલિક બદલી કરી દેવામાં આવી છે. રાજેન્દ્ર પટેલને GAD હવાલે મુકવમાં આવ્યા છે. કલેક્ટરનો વધારાનો ચાર્જ સુરેન્દ્રનગર DDOને સોંપાયો છે.
