ખોટી રીતે ટોલ ઉથરાવવું. વધુ પડતાં નાણાં વસૂલવા, ટોલ બૂથ પર સ્ટાફ દ્વારા ખરાબ વર્તન જેવી મુસાફરોની ફરિયાદોમાં સતત વધારો થઈ રહ્યો છે. વર્ષ ૨૦૨૩માં ગુજરાતમાં ૧૧૩૧ ફરિયાદો મળી હતી, એ પછી વર્ષ ૨૦૨૪માં ૩૩૦૭ અને વર્ષ ૨૦૨૫માં ૫,૩૨૪ ફરિયાદો મળી છે.
સરકારને ટોલ ટેક્સ ફ્રી પેટે કરોડોની આવક થઈ રહી છે
અન્ય રાજ્યોની જેમ ગુજરાતમાં લોકોની ફરિયાદો પર જાણે કોઈ ખાસ ધ્યાન અપાતું નથી, મહારાષ્ટ્ર, રાજસ્થાન, મધ્યપ્રદેશ સહિતના રાજ્યોમાં એક લાખથી માંડીને ૨૨ લાખ સુધીનો દંડ ફટકારાયો છે. ગુજરાતમાં નેશનલ હાઈવેના અત્યારે ૬૨ ટોલ પ્લાઝા કાર્યરત છે, જ્યાંથી સરકારને ટોલ ટેક્સ ફ્રી પેટે કરોડોની આવક થઈ રહી છે. ટોલ ટેક્સના ઉઘરાણા સહિતના મુદ્દે ગુજરાતમાંથી છેલ્લા ત્રણ વર્ષમાં ૯,૭૬૨ ફરિયાદો મુસાફરો દ્વારા કરવામાં આવી છે.
લોકોને પડતી હાલાકીની ફરિયાદો સતત વધી રહી છે
પાડોશી રાજ્ય રાજસ્થાનમાં ત્રણ વર્ષમાં ૨૬,૪૨૪, મહારાષ્ટ્રમાં ૯,૨૦૬ અને મધ્યપ્રદેશમાં ૮,૭૯૭ ફરિયાદો મળી હતી. ઓડિસામાં વધારાની યુઝર ફ્રી વસૂલ કરવાના કિસ્સામાં ૨૨.૫૦ લાખનો દંડ ફટકારવામાં આવ્યો છે જ્યારે સાઈન બોર્ડની જાળવણી નહિ કરવાના કિસ્સામાં એક લાખ રૂપિયાનો દંડ કરાયો છે, મિનિસ્ટ્રી ઓફ રોડ ટ્રાન્સપોર્ટે ગુરુવારે કામકાજનો આ ચિઠ્ઠો જાહેર કર્યો હતો, જોકે ગુજરાતમાં હજારો કરિયાદો મળી પરંતુ શું પગલાં લેવાયા તે વિશે કોઈ જ ફોડ પાડવામાં આવ્યો નથી.
