રાજ્ય પરીક્ષા બોર્ડ દ્વારા ગત 21 ડિસેમ્બર, 2025 ના રોજ બપોરે 12:00થી 2:00 કલાક દરમિયાન TET-1 (Teacher Eligibility Test) ની પરીક્ષા સફળતાપૂર્વક યોજવામાં આવી હતી. આ પરીક્ષામાં હાજર રહેલા તમામ ઉમેદવારો પોતાની ઉત્તરવહી (OMR શીટ) જોઈ શકે તે માટે બોર્ડ દ્વારા આજે, 30 ડિસેમ્બર, 2025 ના રોજ તેને ઓનલાઈન પોર્ટલ પર લાઈવ કરવામાં આવી છે.
કઈ રીતે ડાઉનલોડ કરવી?
પરીક્ષા આપનાર ઉમેદવારો બોર્ડની સત્તાવાર વેબસાઇટ www.sebexam.org પર જઈને વિગતો ભરી પોતાની OMR શીટ ડાઉનલોડ કરી શકશે. ઉમેદવારો આ શીટના આધારે પ્રોવિઝનલ આન્સર-કી સાથે પોતાના જવાબોની ચકાસણી કરી શકશે અને પોતાના સંભવિત ગુણનું અનુમાન લગાવી શકશે.
