ગુજરાત રાજ્યના સરકારી કર્મચારીઓ અને પેન્શનરો માટે રાજ્ય સરકાર દ્વારા મોટી જાહેરાત કરવામાં આવી છે. નાણા વિભાગ દ્વારા લેવામાં આવેલા મહત્વના નિર્ણય મુજબ, કર્મચારીઓના મોંઘવારી ભથ્થા (DA) માં 2 ટકાનો વધારો કરવામાં આવ્યો છે. સરકારના આ નિર્ણયથી લાખો કર્મચારીઓમાં ખુશીનો માહોલ છવાયો છે.
ક્યારથી મળશે લાભ?
આ વધારાનો લાભ કર્મચારીઓને 1 જાન્યુઆરી, 2026 ની અસરથી મળવાપાત્ર થશે. આ વધારા સાથે હવે રાજ્ય સરકારના કર્મચારીઓનું મોંઘવારી ભથ્થું 58 ટકાથી વધીને 60 ટકા એ પહોંચી ગયું છે. જાન્યુઆરીથી મે માસ સુધીની તફાવતની રકમ (Arrears) કર્મચારીઓને જૂન માસના પગારની સાથે જ ચૂકવી દેવામાં આવશે.
