ગુજરાત રાજ્ય વન વિભાગમાં વહીવટી સ્તરે મોટા ફેરફારો કરવામાં આવ્યા છે. રાજ્ય સરકારે વન વિભાગના ટોચના અધિકારીઓની બદલીના આદેશ જારી કર્યા છે, જેમાં મુખ્ય વન સંરક્ષક (PCCF) અને હેડ ઓફ ફોરેસ્ટ ફોર્સ (HOFF) એ.પી. સિંઘની બદલી સૌથી મહત્વની ગણાય રહી છે.
એ.પી. સિંઘની નિગમમાં બદલી
લાંબા સમયથી વન વિભાગમાં મહત્વની જવાબદારી સંભાળતા એ.પી. સિંઘને PCCF પદેથી હટાવીને ગુજરાત સ્ટેટ ફોરેસ્ટ ડિપાર્ટમેન્ટ કોર્પોરેશનમાં મોકલવામાં આવ્યા છે. તેમને હવે સ્ટેટ ફોરેસ્ટ ડિપાર્ટમેન્ટના મેનેજિંગ ડિરેક્ટર (MD) તરીકેની નવી જવાબદારી સોંપવામાં આવી છે. તેમની જગ્યાએ હવે જયપાલસિંઘને હેડ ઓફ ફોરેસ્ટ ફોર્સ (HOFF)નો વધારાનો ચાર્જ સોંપવામાં આવ્યો છે.