ગાંધીનગર શહેરમાં આઈપીએલ (IPL) ની સીઝન શરૂ થતાની સાથે જ સટ્ટાબજાર ગરમાયું છે, ત્યારે ગાંધીનગર એલ.સી.બી.-1 (LCB-1) ની ટીમે બાતમીના આધારે ઓનલાઇન સટ્ટાબાજી કરતા એક શખ્સને ઝડપી પાડીને કાયદેસરની કાર્યવાહી હાથ ધરી છે. પાટનગરના આઈટી હબ ગણાતા ઇન્ફોસિટી વિસ્તારમાં આ દરોડો પાડવામાં આવ્યો હતો.
આઈપીએલ મેચ પર ઓનલાઇન સટ્ટાબાજી
મળતી માહિતી મુજબ, ગાંધીનગર એલ.સી.બી.-1 ની ટીમ પેટ્રોલિંગમાં હતી ત્યારે ઇન્ફોસિટી પોલીસ સ્ટેશન વિસ્તારમાં આવેલી ટીસીએસ (TCS) કંપની નજીકના માર્ગ પર એક શખ્સ શંકાસ્પદ હાલતમાં મળી આવ્યો હતો. પોલીસ તપાસમાં બહાર આવ્યું કે આ શખ્સ પોતાના મોબાઈલ ફોન દ્વારા ચાલુ આઈપીએલ મેચ પર ઓનલાઇન સટ્ટાબાજીની પ્રવૃત્તિ કરી રહ્યો હતો.