ગુજરાત સરકારના વિવિધ વિભાગોમાં વર્ગ- 3 ની સિનિયર ક્લાર્ક અને જુનિયર ક્લાર્ક સ્તરની જગ્યાઓ માટે ચાલી રહેલી સંયુક્ત સ્પર્ધાત્મક પરીક્ષા (CCE) ની ભરતી પ્રક્રિયામાં મહત્વનો ફેરફાર કરવામાં આવ્યો છે. ગૌણ સેવા પસંદગી મંડળ દ્વારા સત્તાવાર રીતે જાહેર કરવામાં આવ્યું છે કે અગાઉની ખાલી જગ્યાઓમાં નવી 914 જગ્યાઓનો વધારો કરવામાં આવ્યો છે.
કુલ જગ્યાઓનો આંકડો 7300 ને પાર
અગાઉ આ ભરતી મર્યાદિત સંખ્યામાં જાહેર કરવામાં આવી હતી, પરંતુ હવે નવી જગ્યાઓના ઉમેરા બાદ કુલ ભરતીનો આંકડો વધીને 7338 પર પહોંચ્યો છે. આ વધારાથી હજારોની સંખ્યામાં તૈયારી કરી રહેલા સ્પર્ધાત્મક પરીક્ષાના ઉમેદવારોને સફળ થવાની વધુ તક મળશે.
