આગામી રાજકીય ગતિવિધિઓને ધ્યાને રાખીને ગુજરાત ભાજપ પ્રદેશ પ્રમુખ દ્વારા સંગઠનમાં મહત્વના ફેરફારો કરવામાં આવ્યા છે. પ્રદેશ ભાજપની મીડિયા ટીમને વધુ મજબૂત બનાવવાના હેતુથી આજે ૭ સહ-પ્રવક્તા અને ૨ મીડિયા સહ-ઈન્ચાર્જની સત્તાવાર જાહેરાત કરવામાં આવી છે. આ નિમણૂંકોમાં અનુભવી નેતાઓ અને સંગઠનના ચહેરાઓને પ્રાધાન્ય આપવામાં આવ્યું છે.
પ્રદેશ ભાજપ દ્વારા જાહેર કરાયેલા 7 સહ-પ્રવક્તાઓમાં સાંસદથી લઈને પૂર્વ મેયર સુધીના નેતાઓનો સમાવેશ થાય છે:
1. ધવલભાઈ પટેલ (સાંસદ) - વલસાડ
2. અશ્વિનભાઈ બેંકર - કર્ણાવતી
3. જયરાજસિંહ પરમાર - મહેસાણા
4. ઘનશ્યામભાઈ ગઢવી - અમદાવાદ જિલ્લો
5. મનજીભાઈ આહીર - કચ્છ
6. હેમાલીબેન બોઘાવાલા (પૂર્વ મેયર) - સુરત શહેર
7. શ્વેતાબેન બ્રહ્મભટ્ટ - કર્ણાવતી
મીડિયા વિભાગની આંતરિક કામગીરીને વધુ વેગવંતી બનાવવા માટે બે નવા સહ-ઈન્ચાર્જ નિયુક્ત કરવામાં આવ્યા છે. ઝુબીન આશરા - કર્ણાવતી, કલ્પ પટેલ - ગાંધીનગર શહેર
આ નવી ટીમમાં સુરતના પૂર્વ મેયર અને વલસાડના સાંસદનો સમાવેશ એ સૂચવે છે કે ભાજપ સોશિયલ મીડિયા અને મુખ્ય મીડિયામાં પ્રાદેશિક સંતુલન જાળવવા માંગે છે. ખાસ કરીને મહેસાણાના દિગ્ગજ નેતા જયરાજસિંહ પરમાર અને વલસાડના સાંસદ ધવલ પટેલની એન્ટ્રીથી ભાજપનો પક્ષ રજૂ કરવામાં વધુ ધાર જોવા મળી શકે છે. પ્રદેશ પ્રમુખની મંજૂરી બાદ આ યાદી અમલમાં મૂકવામાં આવી છે.